: حسن نیکمرام متخلص به «لایق» شعر از
بو غمسرادن عزیزیم نشانه قالمیاج
فلک ووروب یخاجاخ آشیانه قالمیاجاخ
حیاتین بویی باخ گور گلیب گدیب کیملر
سنیله ده گوزلیم جاودانه قالمیاجاخ
بو بش گون عمره گوره عاقل ائلمز طغیان
بولور کی هر عملی محرمانه قالمیاجاخ
الینده واردی اگر قدرتین چوخ ائتمه غرور
عدو الینده مدام تازیانه قالمیاجاخ
بهاری عمرووی ویرمه هدر جوان سان اگر
چمنده گول سولاجاخ باغبانه قالمیاجاخ
بو شانی شوکتی قویماز فلک قالا سن اوچون
همیشه ناز الیین نازدانه قالمیاجاخ
خوش اولسا گر عملین و گر مقام و منزلتین
و گرنه خوش گون او روح و روانه قالمیاجاخ
یتیشمه میش عجلین توشه یولا قبر ائوینه
یوبانسا روز جزایه بهانه قالمیاجاخ
جزانی یادوه سال عمروون بهاسینی بول
که سهل یوخ سن و من نوجوانه قالمیاجاخ
گد هر دن عبرتیله سال نظر مزار یلره
بیزه دییله کی گویا زمانه قالمیاجاخ
اویانگلان یوخودان «لایقا» زمان گچیری
اوزووه گل کی جهان شاه و خان قالمیاجاخ
قاباخدا واردی سفر وئرمه فرصتی الدن
هامی کوچوب گده جاخ او جهانه قالمیاجاخ
هیچ نظری موجود نیست:
ارسال یک نظر